Admisión FP 2025-2026

As ensinanzas de formación profesional están organizadas en ciclos formativos básicos, medios, superiores e cursos de especialización.

Para realizar estudos nos centros docentes sostidos con fondos públicos é necesario, ademais de cumprir os requisitos de acceso, participar nun proceso de admisión.

Este proceso establece un sistema de prioridades na adxudicación de prazas para cada centro educativo e para cada ciclo formativo ou curso de especialización (e, de ser o caso, de cada módulo profesional), así como os prazos de presentación de solicitudes e de formalización da matrícula.

Cada tipo de oferta, modalidade e grao ten un proceso de admisión diferenciado. Consulte as instrucións xerais e os calendarios.

CURSO 2025 – 2026. MATRÍCULA NO CENTRO DE ADXUDICACIÓN

As persoas que participen no proceso de admisión e obteñan algunha praza adxudicada terán que matricularse no período de matrícula da correspondente adxudicación. Para efectuar esta matrícula, deberán obter o modelo de impreso de solicitude de matrícula (para o réxime de persoas adultas) que estará dispoñible en http://www.edu.xunta.gal/ciclosadmision. Este documento, cuberto coa matrícula e asinado, deberá entregarse persoalmente ou por persoa autorizada no prazo de matrícula establecido para a correspondente adxudicación no centro en que lle fose adxudicada a praza en que se vaia matricular. Así mesmo, está dispoñible o servizo de reserva/matrícula de praza a través da aplicación informática; esta é unha opción máis recomendable que a de efectuala de xeito presencial. De non efectuar a matrícula na praza adxudicada no prazo establecido para o efecto, perderá o dereito á praza e só poderá matricularse no caso de existir vacantes.

Para a oferta modular na modalidade a distancia poderase realizar a solicitude/reserva de matrícula nas prazas adxudicadas a través de internet, na aplicación informática que se atopará no enderezo web http://www.edu.xunta.gal/ciclosadmision. Para o acceso, entre outros procedementos de autenticación, será preciso cubrir os datos de identificación e do código da solicitude de admisión coa que se obtivo a praza adxudicada.

A solicitude de matrícula web deberase facer no prazo indicado no calendario para esa adxudicación. O centro, durante a primeira semana de clase, solicitaralle ao alumnado matriculado por este procedemento a xustificación do pagamento do seguro escolar e poderá solicitar a documentación relativa ao requisito de acceso. Non atender estes requirimentos pode ser causa de anulación da matrícula ou baixa de oficio.

DOCUMENTACIÓN COMPLEMENTARIA

  • DNI orixinal non caducado.
  • Orixinal ou copia cotexada da titulación de acceso.
  • Recibo de pagamento do seguro escolar (para menores de 28 anos) 1.12€ na conta de ABANCA ES83 2080 0388 2331 1000 3787

No CONCEPTO DE INGRESO deberase poñer:

  • CFEA GUÍSAMO – NOME E APELIDOS D@ ALUMN@ – DNI D@ ALUMN@

No caso de autorizacións:

  • Autorización por escrito.
  • DNI das dúas persoas (autorizante e autorizado)

Admisión FP 2025-2026. Prazas liberadas.

Ábrese o prazo de matrícula en ofertas de formación profesional con prazas dispoñibles desde o día 1 de setembro ás 9:00 horas ata o día 26 de setembro ás 13:00 horas.

Para matricularse en prazas liberadas a única condición é cumprir os requisitos de acceso para o ciclo ou curso de especialización  correspondente.

A matrícula en calquera oferta de formación profesional con prazas vacantes implica a renuncia a continuar no proceso de admisión de formación profesional e polo tanto a participar nas seguintes adxudicacións de prazas de calquera tipo de oferta, modalidade e grao.

As persoas interesadas deberán formalizar a matrícula no centro educativo no que o ciclo ou curso de especialización teña prazas dispoñibles. A matrícula realizarase no propio centro por orde de chegada.

Cursos de especialización

Oferta ordinaria

Para solicitar a matrícula en ciclos de oferta ordinaria con prazas liberadas empregarase o anexo I.

Oferta modular

Para solicitar a matrícula en módulos de oferta modular con prazas liberadas empregarase o anexo II.

Modalidade distancia

OFERTA FORMATIVA DO CENTRO DE FORMACIÓN E EXPERIMENTACIÓN AGRARIA DE GUÍSAMO

Oferta ordinaria:

D2AGA000300 Ciclo Medio de Xardinaría e Floraría (22 prazas)

D3AGA000200 Ciclo Superior de Paisaxismo e Medio Rural (22 prazas)

Oferta Modular a distancia:

FORMACIÓN CONTÍNUA PARA O AGRO GALEGO 2025

no marco do plan estratéxico da PAC 2023-2027 de Galicia. Accións confinanciadas co 60% FEADER


Unha oportunidade para explorar a intelixencia vexetal e comprender o seu papel fundamental no equilibrio dos ecosistemas.

Visita virtual ás instalacións do CFEA de Guísamo

Entrevista á directora do CFEA de Guísamo da revista da AGAEXAR

 

Información importante para as persoas que teñan que solicitar a renovacion do carné de usuario profesional de produtos fitosanitarios.

Solicitude:

A persoa interesada dirixirá a súa solicitude á Axencia Galega da Calidade Alimentaria (AGACAL) da Consellería do Medio Rural

Documentación:

  • Solicitude

  • Xustificante de aboamento da taxa

  • Copia do carné (só no caso de renovación. A solicitude de renovación do carné poderá realizarse dentro dos 12 meses anteriores á finalización do periodo de validez)

  • Orixinal ou copia autenticada do título universitario, só no caso de non autorizar a consulta dos datos (validación polo Real decreto 1311/2012)

  • Orixinal ou copia autenticada do ciclo formativo da rama Agraria, só no caso de non autorizar a consulta dos datos (validación polo Real decreto 1311/2012)

  • Orixinal ou copia autenticada do certificado de profesionalidade emitido pola Consellería de Emprego e Igualdade (validación polo Real decreto 1311/2012)

  • Copia do DNI o NIE, só no caso de non autorizar a consulta dos datos.

  • No caso de que o solicitante realizase un curso de capacitación fóra da CA de Galicia, deberá achegar:

    • Orixinal ou copia autenticada do certificado que acredite a realización do curso

    • Orixinal ou copia autenticada da resolución de autorización do curso realizado emitido pola CA que corresponda

    • Orixinal ou copia autenticada do documento que acredite a residencia do solicitante na CA de Galicia como, por exemplo, escritura da propiedade, contrato de arrendamento en vigor e último recibo pagado, contrato ou factura actual expedido pola compañía subministradora de teléfono, auga, gas, electricidade, etc.

Información sobre o pagamento da taxa. Códigos:

  • CONSELLERÍA-MEDIO RURAL-CÓDIGO 09

  • DELEGACIÓN-SERVIZOS CENTRAIS-CÓDIGO 13

  • SERVIZO-AXENCIA GALEGA DA CALIDADE ALIMENTARIA-CÓDIGO 17

  • DENOMINACIÓN TAXA-310407

O importe da taxa pode consultalo no seguinte documento (código 31.04.07.04)

Nota: A persoa solicitante deberá achegar o xustificante de pagamento (no caso de efectuar o pago a través da ligazón anterior é importante que non se confunda co recibo de pago con tarxeta).

Presentación electrónica

A solicitude deberá presentarse preferiblemente por vía electrónica a través do modelo normalizado dispoñible na sede electrónica da Xunta de Galicia, https://sede.xunta.gal, de acordo co establecido nos artigos 27 da Lei 11/2007, do 22 de xuño, de acceso electrónico dos cidadáns aos servizos públicos, e 24 do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes.

Para a presentación das solicitudes será necesario o Documento Nacional de Identidade electrónico ou calquera dos certificados electrónicos recoñecidos pola sede electrónica da Xunta de Galicia, así como a chave concertada 365, no enderezo https://sede.xunta.gal/chave365.

Presentación en soporte papel

Opcionalmente, tamén se poderán presentar a solicitude presencialmente en calquera dos lugares e rexistros establecidos na normativa reguladora do procedemento administrativo común, utilizando o formulario normalizado dispoñible na sede electrónica da Xunta de Galicia e no Portal de Transparencia da Xunta de Galicia.

Máis información na seguinte ligazón:

https://agacal.xunta.gal/gl/formacion/carnes-diplomas-certificados-oficiais/usuarios-profesionais-de-produtos-fitosanitarios