PROGRAMA DO CURSO:

PRIMEIRO MÓDULO: PODA:

·        Morfoloxía e fisioloxía da árbore froiteira.

·        Ferramentas e utensilios de poda.

·        Xeneralidades sobre a poda.

·        Poda de froiteiras de carambulla e pebita.

·        Poda do kiwi e pequenos froitos. 

SEGUNDO MÓDULO:

·        Sistemas de propagación máis usuais en fruticultura.

·        Técnicas de plantación, mantemento e protección.

TERCEIRO MÓDULO:

·        Principais alternativas frutícolas para Galicia.

·        Recollida e conservación dos froitos.

·         Comercialización dos froitos 

Cubertas as prazas para o curso de bases técnicas para o desenvolvemento da fruticultura en Galicia encadrado no programa de formación contínua no agro galego 2010.  

De estar interesada/o na realización do curso, envíenos os datos de contacto cubrindo este formulario, e avisarémola/o para vindeiras edicións do mesmo.  

Descargue aquí o triptico do curso

A realización do curso terá compoñente teórica en aula e prácticas en finca. Un dos obxectivos a acadar é a realización práctica de todas as operacións necesarias para a implantación e mantemento de fincas frutícolas, principalmente adaptado á fruticultura da zona atlántica. Para poder acadar estes obxectivos eminentemente prácticos a execución do curso terá carácter discontínuo, comprendendo dito período dende o mes de febreiro ata remates do mes de setembro ou primeiros de outubro, coincidindo coa colleita  da froita. Para a execución práctica de todas estas operacións o Centro dispón dunha finca experimental para a execución das mesmas. Ao mesmo tempo implantarase unha nova finca dende a fase inicial de preparación e acondicionamento dos terreos. Para adaptar as prácticas ao ciclo vexetativo executaremos o programa de xeito coordinado coas actividades a realizar nas fincas experimentais.

Actividades a desenvolver máis destacadas: 

Demostracións: de implantación, de poda, de entitorado, de laboreo, tratamentos fitosanitarios, de colleita, de multiplicación mediante inxerta. 

Outras actividades: realizaranse visitas a diferentes explotacións frutícolas galegas. 

 Horario do curso: 

 O horario será en xornada de tarde, prioritariamente de 17:00 a 20:00 horas, durante a semana laboral, aínda que poida ter lugar algunha práctica durante a fin de semana. 

 Calendario: 

 Terá carácter discontínuo. Tense previsto comenzar o curso na primeira quincena de febreiro para a execución práctica de poda e de preparación e acondicionamento de finca para implantación.