O Centro de Formación e Experimentación Agroforestal de Guísamo depende da Dirección Xeral de Innovación e Industrias Agrarias e Forestais da Consellería do Medio Rural da Xunta de Galicia.

 O seu obxectivo é respostar ás necesidades formativas das/dos profesionais, entidades, asociacións e poboación relacionada con actividades agrogandeiras, forestais e dinamización do medio rural. 

  A formación que se imparte no CFEA de Guísamo axústase ás características da súa zona de influencia e basease nos principios de solidariedade, respecto e sostibilidade humana e ambiental, potenciando deste xeito o aproveitamento dos recursos do lugar.

 O proxecto “Herbario dixital das especies ornamentais do CFEA de Guísamo” presentado polo CFEA de Guísamo foi seleccionado para participar no VI Congreso de Educación Ambiental dos Centros de Ensino da Coruña “Espazos para conservar · Defendamos o noso patrimonio natural” organizado polo CEIDA.

Este proxecto será realizado polos alumnos do Ciclo Superior de Paisaxismo e Medio Rural.

PRÁCTICAS PEDAGÓXICAS 

O reto de converter  a aula nun espazo dinámico, reflexivo e xerador de coñecemento é algo inherente a unha boa práctica docente. Na procura constante de ferramentas que permitan acadar tal realidade atópanse diversidade de recursos. Un deles, a súa aplicación e resultados obtidos, é do que trata a experiencia no CFEA de Guísamo, desenvolvida cos alumnos e alumnas do 2º curso de GM de Xardinaría, no contexto do módulo de Organización e Xestión dunha Empresa Familiar Agraria, e concretamente referida ao contido da PAC (Política Agraria Comunitaria). O rexistro da actividade fíxose a través de fotografías e un vídeo, nos que se recolle a experiencia Aplicando a técnica de Mapas Mentais para aprender sobre a PAC”.