Centro de Formación e Experimentación Agroforestal
Os alumnos do Ciclo Superior de Paisaxismo e Medio Rural fixeron unha visita guiada, polo xefe de restauración e Medio Ambiente da empresa Endesa Generación, SA, ao lago e a escombreira exterior da mina nas Pontes de García Rodríguez, para ver in situ as labores de restauración da escombreira e a rehabilitación do Oco Mineiro.
Os alumnos dos Ciclos Medio de Xardinaría e Superior de Paisaxismo e Medio Rural visitaron as instalacións do Grupo Empresarial ALUMAN en Arteixo.
A visita encádrase dentro do Módulo de Instalacións Agrarias (Xardinaría) e de Maquinaria e Instalacións Agroforestais (Paisaxismo e Medio Rural) e nela poideron observar os distintos materiais e procesos industriais de fabricación en cada unha das seccións deste grupo empresarial.
Todos os recursos que potencien unha aprendizaxe activa son benvidos á hora de facerlle fronte ao labor educativo. Sen embargo, calquera ferramenta ou técnica precisa dun contexto, dun tempo e dun espazo para que sexa efectiva. Coñecer o grupo e as persoas que o conforman, crear as condicións para que se dea un proceso de participación e xerar un clima propicio e distendido, tamén fai parte do resultado final da experiencia, na que cada persoa aportou, dende a súa propia singularidade, á construción dun coñecemento específico que cobrou maior relevancia na dimensión colectiva do traballo feito.
Ler MáisAplicando a técnica de Mapas Mentais para aprender sobre a PAC
Ciclo formativo de Grao Superior de Formación Profesional que proporciona os coñecementos necesarios para realizar proxectos de xardín e zonas verdes e xestionar a produción de plantas e a produción agrícola, supervisando os traballos, programando e organizando os recursos materiais e humáns dispoñibles, aplicando criterios de rendabilidade económica e cumprindo coa normativa ambiental, de produción ecolóxica, de produción de viveiro, de control de calidade, de seguridade alimentaria e de prevención de riscos laborais.
Ciclo formativo de Grao Medio de Formación Profesional que proporciona os coñecementos necesarios para realizar operacións de implantación, deseño, mellora e conservacións de xardíns tanto de interior como de exterior, para a comercialización de material vexetal e de xardinaría en axeitadas condicións de hixiene, seguridade e respectuosas co medio ambiente e para o manexo de maquinaria propia dos labores de xardinaría.
Joomla Templates by Joomla51.com